ਬੰਦੇ ਨੂੰ ਮਾੜੇ ਕੰਮਾਂ ਵਿੱਚ ਫਸੇ ਹੋਏ ਨੂੰ, ਡਰ ਤੋਂ ਬਚਾਉਣ ਵਾਲਾ ਅੰਨਦ ਖੁਸ਼ੀਆਂ ਦਾ ਸੋਮਾਂ ਪ੍ਰਮਾਤਮਾਂ ਹੈ ਸਤਵਿੰਦਰ ਕੌਰ ਸੱਤੀ (ਕੈਲਗਰੀ) - ਕਨੇਡਾ
satwinder_7@hotmail.com
11/06/2013. 296

ਸੁਖਮਨੀ ਬਾਣੀ ਦੇ ਅਰਥ ਹੋਏ ਹਨ। ਪਿਆਰੇ ਪਾਠਕੋ, ਗੁਰਬਾਣੀ ਪੜ੍ਹੋਗੇ ਤਾਂ ਇਹ ਛੋਟੀਆਂ-ਛੋਟੀਆਂ ਕਾਵਿਤਾਵਾਂ ਆਪੇ ਲਿਖਣੀਆਂ ਆ ਜਾਂਣਗੀਆਂ। ਆਪਾਂ ਤਾਂ ਸ਼ਬਦਾਂ ਦੇ ਸਮੁੰਦਰ ਵਿੱਚ ਡੁੱਬਕੀ ਲਾਈ ਹੈ। ਚਾਰੇ ਪਾਸੇ ਅੱਖਰ ਹੀ ਅੱਖਰ ਹਨ। ਰੱਬ ਇੱਕ ਹੈ। ਸਤਿਗੁਰੂ ਦੀ ਕਿਰਪਾ ਨਾਲ ਮਿਲਦਾ ਹੈ ਰੱਬ ਜੀ ਤੇ ਸਤਿਗੁਰੂ ਜੀ ਦੀ ਇੱਕ ਜੋਟੀ-ਦੋਸਤੀ-ਇੱਕ-ਮਿਕ ਹਨ। ਇਕ ਤਾਕਤ ਹੈ। ਪਾਣੀ, ਧਰਤੀ, ਅਕਾਸ਼ ਹਰ ਥਾਂ ਉਤੇ, ਭਗਵਾਨ ਜੀ ਦੁਨੀਆਂ ਨੂੰ ਬਣਾਉਣ, ਚਲਾਉਣ ਵਾਲੇ ਸਿਰਜਣਹਾਰ, ਤੂੰ ਸਪੂਰਨ ਹਾਜ਼ਰ ਹੈ। ਸਤਿਗੁਰ ਨਾਨਕ ਪ੍ਰਭੂ ਜੀ ਤੂੰ ਆਪ ਹੀ ਇੱਕੋ-ਇਕ, ਬੇਅੰਤ ਤਰਾਂ ਦੇ ਅਕਾਰਾਂ, ਜੀਵਾਂ, ਕੱਣ-ਕੱਣ, ਪੱਤੇ-ਪੱਤੇ ਵਿੱਚ ਹੈ।

ਪੂਰੇ ਚੰਦ ਪੂਰਨਮਾਸ਼ੀ ਤੋਂ ਅੱਗਲੇ, ਪਹਿਲੇ ਦਿਨ ਤੋਂ ਇੱਕੋ-ਇਕ ਪ੍ਰਮਾਤਮਾਂ ਦਾ ਧਿਆਨ ਧਰ ਕੇ, ਯਾਦ ਕਰਕੇ ਸਿਰ ਝੁੱਕਾਉਂਦਾ ਹਾਂ। ਰੱਬ, ਗੋਬਿੰਦ, ਪਿਆਰੇ ਪਾਲਣ ਵਾਲੇ ਪ੍ਰਭੂ ਦੇ ਕੰਮਾਂ ਦੀ ਪ੍ਰਸੰਸਾ ਕਰੀਏ। ਉਸ ਹਰੀ ਪ੍ਰਮਾਤਮਾਂ ਦਾ ਆਸਰਾ ਲਿਆ ਹੈ। ਉਸ ਦੀ ਓਟ ਤੱਕ ਕੇ, ਜਿਉਂਦੇ ਹਾਂ। ਉਸ ਹਰੀ ਪ੍ਰਮਾਤਮਾਂ ਦਾ ਆਸਰਾ ਲਿਆ ਹੈ। ਉਸ ਦੀ ਓਟ ਤੱਕ ਕੇ ਜਿਉਂਦਾ ਹਾਂ। ਜਿਸ ਰੱਬ ਦੀ ਉਮੀਦ ਤੱਕ ਕੇ, ਮੁੱਕਤੀ ਤੇ ਖੁਸ਼ੀ ਮਿਲਦੀ ਹੈ। ਸਾਰੇ ਕੰਮ ਹੁੰਦੇ ਹਨ। ਚਾਰੇ ਪਾਸੇ, ਦਸੀਂ ਪਾਸੀਂ ਘੁੰਮ ਕੇ ਦੇਖ ਲਿਆ ਹੈ। ਰੱਬ ਤੋਂ ਬਗੈਰ ਹੋਰ ਕੋਈ ਨਹੀਂ ਹੈ। ਬੇਦ, ਪੁਰਾਨ, ਸਿਮ੍ਰਿਤੀਆਂ ਨੂੰ ਸੁਣ ਕੇ ਸੋਚ ਲਈਏ। ਬੰਦੇ ਨੂੰ ਮਾੜੇ ਕੰਮਾਂ ਵਿੱਚ ਫਸੇ ਹੋਏ ਨੂੰ, ਡਰ ਤੋਂ ਬਚਾਉਣ ਵਾਲਾ ਅੰਨਦ ਖੁਸ਼ੀਆਂ ਦਾ ਸੋਮਾਂ ਪ੍ਰਮਾਤਮਾਂ ਹੈ। ਭਗਵਾਨ ਹੀ ਜੀਵਾਂ ਵਿੱਚ ਹੋ ਕੇ ਭੁਗਤਣ ਵਾਲਾ ਹੈ। ਸਬ ਨੂੰ ਦਾਨ ਦੇਣ ਵਾਲਾ ਵੀ ਰੱਬ ਹੀ ਹੈ। ਉਸ ਬਗੈਰ ਹੋਰ ਕੋਈ ਨਹੀਂ ਹੈ।

ਬੰਦੇ ਜੋ ਵੀ ਮੰਗੇਗਾ, ਉਹੀ ਮਿਲ ਜਾਵੇਗਾ। ਸਤਿਗੁਰ ਨਾਨਕ ਜੀ ਦੇ, ਕੰਮਾਂ ਦੀ ਪ੍ਰਸੰਸਾ ਕਰੀ ਚਲੀਏ। ਪ੍ਰਮਾਤਮਾਂ ਗੋਬਿੰਦ ਦੇ ਗੁਣਾਂ ਦੀ ਪ੍ਰਸੰਸਾ, ਹਰ ਰੋਜ਼ ਕਰੀ ਚੱਲੀਏ। ਇੱਕੋ-ਇਕ ਪ੍ਰਮਾਤਮਾਂ ਨੂੰ, ਬੇਅੰਤ ਬਾਰ ਯਾਦ ਕਰਕੇ ਸਿਰ ਝੁੱਕਾਈਏ। ਪ੍ਰਭ ਹਰੀ ਦਾ ਆਸਰਾ ਲਈਏ। ਉਸ ਚਰਨੀ ਪੈ ਜਾਈਏ। ਸਤਿਗੁਰ ਨਾਨਕ ਰੱਬ ਦੇ ਪਿਆਰੇ ਭਗਤਾਂ ਨਾਲ ਰਲ-ਮਿਲ ਕੇ, ਮਨ ਦੇ ਵਹਿਮ ਮੁੱਕ ਜਾਂਦੇ ਹਨ। ਦੂਜਿਆਂ ਨਾਲ ਮੋਹ ਮੁੱਕ ਜਾਂਦਾ ਹੈ। ਹਰ ਰੋਜ਼ ਆਪਣੇ ਔਗੁਣ ਛੱਡੀ ਚੱਲ, ਪੂਰਨਮਾਸ਼ੀ ਤੋਂ ਦੂਜੇ, ਦੂਜ ਵਾਲੇ ਦਿਨ ਮਾੜੀ ਬੁੱਧੀ ਨਾਲ ਸੋਚਣਾ ਛੱਡੀਏ। ਸਤਿਗੁਰ ਜੀ ਦੀ ਚਾਕਰੀ, ਬਾਣੀ ਬਿਚਾਰ ਕੇ, ਹਰ ਰੋਜ਼ ਕਰੀਏ। ਰੱਬ ਦਾ ਕੀਮਤੀ ਨਾਂਮ ਰਤਨ ਸਰੀਰ ਤੇ ਹਿਰਦੇ ਵਿੱਚ ਰਹਿੰਦਾ ਹੈ। ਸਰੀਰਕ ਸ਼ਕਤੀਆਂ, ਕਾਂਮ ਗੁੱਸੇ, ਲਾਲਚ ਨੂੰ ਮਾਰ ਦਿੰਦਾ ਹੈ। ਸਾਰੇ ਨਿਰਾਸ਼ਾ ਵਾਲੇ ਬਿਚਾਰ ਮਰ ਗਏ ਹਨ। ਚੰਗਾ ਜਿਉਣ ਦਾ ਢੰਗ ਆ ਗਿਆ ਹੈ। ਸਾਰੇ ਮਨ ਦੇ ਝਗੜੇ ਮੁੱਕ ਗਏ ਹਨ। ਆਪਦੇ ਮਨ ਵਿੱਚ ਪ੍ਰਮਾਤਮਾਂ ਨੂੰ ਯਾਦ ਕਰੀਏ। ਰੱਬ ਦੀ ਭਗਤੀ ਆ ਜਾਂਦੀ ਹੈ। ਉਸ ਬੰਦੇ ਨੂੰ ਫ਼ੈਇਦਾ ਹੁੰਦਾ ਹੈ। ਸਾਰੇ ਘਾਟੇ ਮੁੱਕ ਜਾਂਦੇ ਹਨ। ਰੱਬ ਦੁ ਮਹਿਲ ਵਿੱਚ ਇੱਜ਼ਤ ਮਿਲਦੀ ਹੈ। ਜੋ ਪ੍ਰਭੂ ਦਾ ਨਾਂਮ ਰੱਬ-ਰੱਬ ਕਰਕੇ ਇੱਕਠਾ ਕਰਦੇ ਹਨ। ਉਹ ਸੱਚੇ ਰੱਬ ਵਾਲੇ ਸ਼ਾਹੂਕਾਰ, ਭਾਗਾਂ ਵਾਲੇ ਬੱਣ ਜਾਂਦੇ ਹਨ। ਉਠਦਿਆਂ ਬਹਿੰਦਿਆਂ ਪ੍ਰਭੂ ਨੂੰ ਯਾਦ ਕਈਏ। ਰੱਬ ਦੇ ਭਗਤਾਂ ਦੇ ਨਾਲ ਲੱਗ ਕੇ, ਰੱਬ ਦੀ ਪਿਆਰ ਪ੍ਰਸੰਸਾ ਕਰੀਏ। ਸਤਿਗੁਰ ਨਾਨਕ ਜੀ ਲਿਖਦੇ ਹਨ। ਐਸੇ ਬੰਦਿਆਂ ਦੀ ਮਾੜੇ ਬਿਚਾਰਾਂ ਵਾਲੀ ਮਤ ਮਰ ਗਈ ਹੈ। ਗੁਣਾਂ ਤੇ ਗਿਆਨ ਭਗਵਾਨ ਆ ਕੇ, ਮਨ ਵਿੱਚ ਬਸ ਗਿਆ ਹੈ ।