ਮੇਰਾ ਪਿਆਰ ਤੇਰੇ ਉੱਤੋਂ ਜਾਵੇ ਡੁੱਲ੍ਹ-ਡੁੱਲ੍ਹ ਵੇ
ਸਤਵਿੰਦਰ ਕੌਰ ਸੱਤੀ (ਕੈਲਗਰੀ) –ਕੈਨੇਡਾ
 satwinder_7@hotmail.com
ਚੰਨਾ ਤੱਕਿਆ ਨਾਂ ਕਰ ਇੰਨੇ ਪਿਆਰ ਨਾਲ ਵੇ।
ਦਿਲ ਲੈ ਜਾਂਦਾ ਮੇਰਾ ਤੂੰ ਤਾਂ ਆਪਣੇ ਨਾਲ ਵੇ।
ਇਸ਼ਕ ਦੇ ਰੋਗੀਆਂ ਨੂੰ ਲੱਭਦਾ ਨਹੀਂ ਹੱਲ ਵੇ।
ਧਿਆਨ ਰਹਿੰਦਾ ਮੇਰਾ ਯਾਰਾ ਤੇਰੇ ਹੀ ਵੱਲ ਵੇ।
ਅੱਖਾਂ ਮੇਰੀਆਂ ਤੱਕਦੀਆਂ ਤੇਰਾ ਸਦਾ ਰਾਹ ਵੇ।
ਦਿਲ ਚਾਹੁੰਦਾ ਸਦਾ ਕਰਾਂ ਤੇਰਾ ਹੀ ਦੀਦਾਰ ਵੇ।
ਇੱਕ ਬਾਰੀ ਕਰ ਚੇਤੇ ਸਤਵਿੰਦਰ ਜਾਵੇ ਆ ਵੇ।
ਸੱਤੀ ਕਹੇ ਦਿਲਾਂ ਨੂੰ ਦਿਲਾਂ ਦੇ ਹੁੰਦੇ ਨੇ ਰਾਹ ਵੇ।
ਚਾਣਚੱਕ ਆ ਕੇ ਮਿਲਦੇ ਨੇ ਦਿਲਦਾਰ ਯਾਰ ਵੇ।
ਤੇਰੇ ਬਿਨਾਂ ਸੱਚੀ-ਮੁੱਚੀ ਅਸੀਂ ਜਾਵਾਂਗੇ ਮਰ ਵੇ।
ਤੇਰੀ ਆਵਾਜ਼ ਜਦੋਂ ਜਾਂਦੀ ਕੰਨਾਂ ਵਿੱਚ ਘੁਲ ਵੇ।
ਮੇਰਾ ਤਾਂ ਪਿਆਰ ਤੇਰੇ ਉੱਤੋਂ ਜਾਵੇ ਡੁੱਲ੍ਹ-ਡੁੱਲ੍ਹ ਵੇ।