ਹੱਸਦੇ ਮੇਰੇ ਵੱਲ ਮੁੱਖ ਕਰ ਕੇ
ਸਤਵਿੰਦਰ ਕੌਰ ਸੱਤੀ (ਕੈਲਗਰੀ) - ਕੈਨੇਡਾ satwinder_7@hotmail.com
ਲੱਗੀ ਵੇਲੇ ਬੁੱਕਲ ਵਿੱਚ ਆ ਬਹਿੰਦੇ ਚੁੱਪ ਕਰ ਕੇ। ਮਹਿਬੂਬ ਬਾਂਹਾਂ ਵਿੱਚ ਲੈ ਲੈਂਦੇ ਸੀਨੇ ਨਾਲ ਘੁੱਟ ਕੇ।
ਯਾਰੀ ਤੋੜਨ ਵੇਲੇ ਦਿਲ ਤੋੜ ਦਿੰਦੇ ਤੜੱਕ ਕਰ ਕੇ। ਜਾ ਕੇ ਗ਼ੈਰਾਂ ਨਾਲ ਹੱਸਦਾ ਮੇਰੇ ਵੱਲ ਮੁੱਖ ਕਰ ਕੇ।
ਫਿਰ ਵੀ ਸੋਹਣੇ ਲੱਗੀ ਜਾਂਦੇ ਮੇਰਾ ਯਾਰ ਕਰ ਕੇ। ਤੈਨੂੰ ਸਹੀ ਤਾਂ ਜਾਂਦੇ ਤੇਰਾ ਬਹੁਤਾ ਪਿਆਰ ਕਰ ਕੇ।
ਆਪਣਾ ਦਿਲ ਦਾ ਟੁਕੜਾ ਲੱਗੇ ਦਿਲਦਾਰ ਕਰ ਕੇ। ਤੇਰਾ ਮੁੱਖ ਚੰਗਾ ਲੱਗੇ ਜਾਣੀਏ ਜੀ ਆਪਣਾ ਕਰ ਕੇ।
ਸੱਤੀ ਨੂੰ ਜਦੋਂ ਗਲ਼ ਨਾਲ ਲਾਵੇ ਆਪਣੀ ਤੂੰ ਕਰ ਕੇ। ਸਤਵਿੰਦਰ ਆਪ ਮੁੱਕ ਜਾਵੇ ਤੇਰੀ ਸੱਜਣਾਂ ਬਣ ਕੇ।
ਤੂੰ ਤਾਂ ਸਦਾ ਲਈ ਹੋ ਜਾਵੇ ਮੇਰਾ ਚੰਨਾ ਰੱਬ ਕਰ ਕੇ। ਮੈ ਨੇ ਪਾ ਲੈਣਾ ਤੈਨੂੰ ਆਪਣੀ ਜਾਨ ਤੇਰੇ ਤੋਂ ਵਾਰ ਕੇ।