ਨਣਦੇ ਵੀਰਾ ਤੇਰਾ, ਰੋਜ਼ ਬੜੇ ਮੂਡ ਚੇਂਜ ਕਰਦਾ
- ਸਤਵਿੰਦਰ ਕੌਰ ਸੱਤੀ (ਕੈਲਗਰੀ)-ਕੈਨੇਡਾ
satwnnder_7@hotmail.ਕੋਮ
ਨਣਦੇ ਨੀਂ, ਤੇਰਾ ਵੀਰਾਂ ਸਾਨੂੰ ਬੜਾ ਪਸੰਦ ਆ।
ਲੱਗਦਾ ਹੈ ਤਵੀਤ, ਉਹ ਤਾਂ ਮੇਰੇ ਹੀ ਗੱਲੇ ਦਾ।
ਮੇਰੀ ਜਿੰਦ ਜਾਨ, ਮੇਰੇ ਸਹਾਗੁਣ ਦਾ ਸਿੰਗਾਰ ਆ।
ਰੱਬ ਰੱਖੇ ਇਤਫ਼ਾਕ, ਘਰ ਪਿਆਰ ਨਾਲ ਬੰਨਦਾ।
ਨਣਦੇ ਵੀਰਾ ਤੇਰਾ, ਰੋਜ਼ ਬੜੇ ਮੂਡ ਚੇਂਜ ਕਰਦਾ।
ਸਾਡੇ ਨਾਲ ਕਦੇ ਉਹ, ਖਿੜ ਖਿੜ ਬੜਾ ਹੱਸਦਾ।
ਆਪ ਹੱਸਦਾ ਦੁਹਰਾ ਹੋਵੇ, ਮੈਨੂੰ ਲੋਟ ਪੋਟ ਕਰਦਾ।
ਖ਼ੁਸ਼ੀ ਵਿੱਚ ਮੇਰੀਆਂ, ਸਿਫ਼ਤਾਂ ਕਰਦਾ ਨਹੀਂ ਥੱਕਦਾ।
ਜਦੋਂ ਘੂਰੀ ਵੱਟ ਤੱਕਦਾ, ਮੇਰਾ ਸਾਹ ਜਾਂਦਾ ਸੁੱਕਦਾ।
ਜਾਨ ਸੂਲੀ ਉੱਤੇ ਟੰਗਦਾ, ਅੱਖਾਂ ਵਿਚੋਂ ਹੂੰਝੂ ਕੱਢਦਾ।
ਕਦੇ ਝਿੜਕਾਂ ਦੇ ਕੇ, ਮੇਰੇ ਸਾਰੇ ਵਲ਼ ਵਿੰਗ ਕੱਢਦਾ।
ਫਿਰ ਉਂਗਲ਼ ਨਾਲ ਚੱਕ ਹੂੰਝੂ, ਮੇਰੇ ਮੂਹਰੇ ਕਰਦਾ।
ਕਹੇ," ਸੋਹਣੇ ਨੈਣਾਂ ਵਿੱਚੋਂ ,ਮੋਤੀਆ ਨੂੰ ਨਹੀ ਕੇਰੀਦਾ। "
ਮੇਰੇ ਮੂਹਰੇ ਲੱਗ ਉਹ ,ਮੇਰੇ ਪੇਕਿਆਂ ਨੂੰ ਜਦੋਂ ਤੁਰਦਾ।
ਮਾਲਕ ਮੇਰਾ ਬੜਾ ਪਿਆਰਾ, ਰੱਬ ਵਰਗਾ ਲੱਗਦਾ।
ਜਾਨ ਕੱਢਦਾ, ਸਤਵਿੰਦਰ ਨੂੰ ਮਾਲਕੋ ਜਦ ਆਖਦਾ।
ਮੂਹਰੇ ਲਿਆ ਸੂਟ ਰੱਖਦਾ, ਕਹੇ," ਪਾ ਮੂਹਰੇ ਖੜਜਾ।"
ਕਮਾਈ ਹੱਥ ਧਰਦਾ, ਮੇਰੇ ਕੋਲੋਂ ਹਿਸਾਬ ਨਾ ਮੰਗਦਾ।
ਬੱਚੇ ਸੱਤੀ ਹਵਾਲੇ ਕਰ, ਮੌਜ ਮਸਤੀ ਆਪ ਹੈ ਕਰਦਾ।
ਦਾਲ ਰੋਟੀ ਦਾ, ਕਦੇ ਉਹ ਭੋਰਾ ਫ਼ਿਕਰ ਨਹੀਂ ਕਰਦਾ।
ਸੱਸ ਮਾਂ ਜੀ ਪੁੱਤਰ ਤੇਰਾ, ਜਾਨੋਂ ਪਿਆਰਾ ਬੜਾ ਲੱਗਦਾ।