ਭਾਗ 41 ਜਿੰਦਗੀ ਜੀਨੇ ਦਾ ਨਾਂਮ ਹੈ
ਪਬਲਿਕ ਵਿੱਚ ਨੰਗੇ ਮਰਦਾਂ ਦੀ ਵੀ ਪੂਜਾ ਹੋ ਰਹੀ ਹੈ

ਸਤਵਿੰਦਰ ਕੌਰ ਸੱਤੀ-(ਕੈਲਗਰੀ)- ਕਨੇਡਾ satwinder_7@hotmail.com

ਲੋਕ ਬੜੇ ਸ਼ੈਤਾਨ ਹਨ। ਕਿਸੇ ਪਾਸੇ ਨਹੀਂ ਛੱਡਦੇ। ਜੇ ਤਾਂ ਕੋਈ ਬਹੁਤ ਸੈਕਸੀ ਹੈ। ਉਸ ਨੂੰ ਤੱਕ ਕੇ ਨਜ਼ਾਰਾ ਤੱਕਣਾਂ ਵੀ ਚਹੁੰਦੇ ਹਨ। ਬਹੁਤੇ ਹੱਥ ਆਈ ਬਾਜੀ ਨਹੀਂ ਛੱਡਦੇ। ਇਕੱਲੀ ਔਰਤ ਦੇਖ਼ ਕੇ. ਅੱਖਾਂ ਨਾਲ ਬੇਸ਼ਰਮੀ ਨਾਲ ਦੇਖ਼ ਕੇ, ਪਿੰਡੇ ਨੂੰ ਛੂਹ ਕੇ, ਚੀਰ-ਫਾੜ ਕਰਕੇ ਰੇਪ ਕਰ ਦਿੰਦੇ ਹਨ।। ਸੁਆਦ ਵੀ ਲੈਂਦੇ ਹਨ। ਰੇਪ ਕਰਕੇ, ਆਪਦੇ ਬਚਾਉ ਲਈ ਬਲਾਤਕਾਰ ਹੋਣ ਵਾਲੇ ਦੀ ਭੰਡੀ ਵੀ ਜਰੂਰ ਕਰਦੇ ਹਨ। ਲੋਕ ਦੋ-ਮੂੰਹੇਂ ਸੱਪ ਹਨ। ਦੋਂਨੇ ਪਾਸੇ ਤੋਂ ਡੰਗਦੇ ਹਨ। ਜੇ ਕੋਈ ਕੁੱਝ ਕਰਨ-ਕੱਤਰਨ ਜੋਗਾ ਨਹੀਂ ਹੈ। ਉਸ ਨੂੰ ਵੀ ਲੋਕ ਫਿੱਟੇ ਮੂੰਹ ਜੰਮਣ ਵਾਲਿਆਂ ਦੇ ਕਹਿੰਦੇ ਹਨ। ਜੇ ਕੋਈ ਹੱਵਸ ਕੱਢਣ ਨੂੰ ਆਪੇ ਸਾਥੀ ਲੱਭ ਲਏ। ਉਸ ਦਾ ਜਿਉਣਾਂ ਮੁਸ਼ਕਲ ਕਰ ਦਿੰਦੇ ਹਨ। ਲੁੱਕ ਛੁੱਪ ਕੇ ਆਪ ਸਬ ਦਾਅ ਮਾਰਨ ਦੀ ਕਰਦੇ ਹਨ। ਜੇ ਇਹੀ ਮੱਲ ਲੋਕਾਂ ਦੀ ਰਜ਼ਾ ਮੰਦੀ ਨਾਲ ਮਾਰੀ ਜਾਵੇ। ਲੋਕ ਵਿੜਕਾਂ ਲੈਂਦੇ ਹਨ। ਤਾਂਹੀਂ ਪੁੱਛਦੇ ਫਿਰਦੇ ਹਨ। ਕੀ ਮੋਰਚਾ ਮਾਰ ਲਿਆ ਕਿ ਨਹੀਂ?ਕੀ ਕੋਈ ਆਸ ਹੈ?ਬੱਚਾ ਜੰਮਣ ਦੀ ਲਾਟਰੀ ਛੇਤੀ ਨਿੱਕਲਣੀ ਚਾਹੀਦੀ ਹੈ। ਕੀ ਬਾਲ-ਬੱਚਾ ਜਮਾਂਉਣ ਦਾ ਇਤਜ਼ਾਂਮ ਕਰ ਲਿਆ ਜਾਂ ਨਹੀਂ?ਇੰਨੀ ਦੇਰੀ ਬੱਚਾ ਪੈਦਾ ਕਰਨ ਵਿੱਚ ਕਿਉਂ ਲੱਗੀ ਹੈ? ਜੋੜੇ ਵਿਚੋਂ ਕਿਹਦੇ ਵਿੱਚ ਕਮੀ ਹੈ? ਦੁਨੀਆਂ ਕਮਾਲ ਦੀ ਹੈ। ਲੋਕ ਕਿਸੇ ਪਾਸੇ ਨਹੀਂ ਛੱਡਦੇ। ਰਾਜੀ ਨੇ ਕੈਲੋ ਨੂੰ ਆਪਣੇ ਗੁਆਂਢ ਦੀ ਗੱਲ ਦੱਸੀ, “ ਸੂਬੇਦਾਰਾਂ ਦਾ ਮੁੰਡਾ ਟਰੱਕ ਡਰਾਇਵਰ ਸੀ। ਉਹ ਵਿਆਹ ਦੇ ਚੌਥੇ ਦਿਨ ਲੁਧਿਆਣੇ ਤੋਂ ਬੰਬੇ ਦਾ ਮਾਲ ਲੱਦ ਕੇ ਚੱਲਾ ਗਿਆ। 15 ਦਿਨਾਂ ਪਿਛੋਂ ਵੀ ਮੁੜਕੇ ਨਹੀਂ ਆਇਆ। ਉਸ ਦੀ ਬਹੂ ਦਾ ਝੁੱਕਾ ਪਤੀ ਦੇ ਚਾਚੇ ਦੇ ਮੁੰਡੇ ਦੇਵਰ ਵੱਲ ਹੋ ਗਿਆ। ਘਰ ਦੀਆਂ ਬੁੜੀਆਂ ਨਵੀਂ ਨਵੇਲ ਦੁਲਹਨ ਕੋਲ ਹੀ ਰਹਿੰਦੀਆਂ, ਸੌਦੀਆਂ ਸਨ। ਉਹ ਔਰਤਾਂ ਦੇ ਸਖ਼ਤ ਪਹਿਰੇ ਤੋਂ ਅੱਕ ਗਈ ਸੀ। ਇੱਕ ਦਿਨ ਉਸ ਨੇ ਪੂਰੇ ਪਰਿਵਾਰ ਨੂੰ ਦੱਸ ਦਿੱਤਾ,” ਮੈਂ ਅੱਜ ਪਤੀ ਦੇ ਚਾਚੇ ਦੇ ਮੁੰਡੇ ਨਾਲ ਚੁਬਾਰੇ ਵਿੱਚ ਸੌਣ ਜਾ ਰਹੀ ਹਾਂ। “ ਚਾਚੇ ਦੇ ਮੁੰਡੇ ਨੇ ਝੱਟ ਕਹਿ ਦਿੱਤਾ, “ ਜੇ ਇਹ ਮੇਰੇ ਨਾਲ ਸੌਣਾਂ ਚਹੁੰਦੀ ਹੈ। ਇਸ ਦੀ ਮਰਜ਼ੀ ਹੈ। ਮੈਨੂੰ ਕੋਈ ਇਤਰਾਜ਼ ਨਹੀਂ ਹੈ। “ ਦੋਂਨਾਂ ਨੇ ਚੁਬਾਰੇ ਅੰਦਰ ਫੜ ਕੇ ਕੁੰਢਾ ਮਾਰ ਲਿਆ। “

ਕੈਲੋ ਨੇ ਪੁੱਛਿਆ, “ ਉਹ ਤਾਂ ਦੇਵਰ ਭਾਬੀ ਸਨ। ਹਾਸਾ ਠੱਡਾ, ਮਜ਼ਾਕ ਚਲਦਾ ਰਹਿੰਦਾ ਹੈ। ਤੈਨੂੰ ਕੰਮਰੇ ਅੰਦਰ ਵਾੜ ਕੇ, ਡੇਰੇ ਵਾਲੇ ਸਾਧ ਨੇ ਵੀ ਕੁੰਡਾ ਲਾ ਲਿਆ ਸੀ। ਦੱਸਿਆਂ ਨਹੀਂ ਅੰਦਰ ਕੀ ਹੋਇਆ? ” “ ਤੂੰ ਮੇਰੇ ਤੋਂ ਪੁੱਛ ਕੇ ਕੀ ਕਰਨਾਂ ਹੈ? ਤੈਨੂੰ ਮੇਰੇ ਤੋਂ ਪਹਿਲਾਂ ਪਤਾ ਹੈ। ਤੈਨੂੰ ਵੀ ਬਾਬੇ ਨੇ ਨਿਹਾਲ ਕੀਤਾ ਸੀ। ਮੈਂ ਵੀ ਬਾਬਾ ਜੀ ਦੇ ਦਰਸ਼ਨ ਕੀਤੇ ਹਨ। “ “ ਰਾਜੀ ਇਹ ਸਹਮਣੇ ਵਾਲਾ ਡੇਰਾ ਨਾਂਗਟੇ ਸਾਧਾਂ ਦਾ ਹੈ। ਇਥੋਂ ਵੀ ਮੁਰਾਦਾਂ ਪੂਰੀਆਂ ਹੁੰਦੀਆਂ ਹਨ। ਲੋਕ ਸਬ ਪਾਸੇ ਤੁਰੇ ਫਿਰਦੇ ਹਨ। ਕਿਤੋਂ ਤਾਂ ਖੈਰ ਪਵੇਗੀ। ਉਹ ਡੇਰੇ ਅੰਦਰ ਲੰਘ ਗਈਆਂ। ਇੰਨਾਂ ਨੂੰ ਲੋਕ ਨੰਗਟੇ ਸਾਧ ਕਹਿੰਦੇ ਸਨ। ਇੰਨਾਂ ਵਿੱਚ ਸਾਧਾਂ ਵਾਲੀ ਕੋਈ ਗੱਲ ਨਹੀਂ ਸੀ। ਰੰਡੀਆਂ ਵੀ ਪਰਦੇ ਵਿੱਚ ਮਰਦ ਅੱਗੇ ਨੰਗੀਆਂ ਹੁੰਦੀਆਂ ਹਨ। ਇਹ ਹੱਟੇ-ਕੱਟੇ 15 ਕੁ ਨੌਜਵਾਨ ਮਰਦ ਬਿਲਕੁਲ ਨੰਗੇ ਮਸਤ ਹਾਥੀ ਵਾਂਗ ਡੇਰੇ ਵਿੱਚ ਟਹਿਲ ਰਹੇ ਸਨ। ਵੱਡੀ ਪਦਵੀਂ ਵਾਲਾ, ਵੱਡੇ ਸਰੀਰ ਵਾਲਾ ਮਰਦ, ਵੱਡੇ ਆਸਣ ਤੇ ਲੱਤਾਂ ਪਸਾਰੀ ਅਲਫ਼ ਨੰਗਾ ਪਿਆ ਸੀ। ਔਰਤਾਂ, ਬੱਚੇ, ਮਰਦ ਉਨਾਂ ਦੇ ਇਸ ਤਰਾਂ ਦਰਸ਼ਨ ਕਰ ਰਹੇ ਸਨ। ਜਿਵੇਂ ਉਨਾਂ ਨੂੰ ਨੰਗੇ ਪਿੰਡੇ ਦਿਸ ਹੀ ਨਾਂ ਰਹੇ ਹੋਣ। ਉਨਾਂ ਦੇ ਮੂੰਹ ਵਿੱਚ ਆਪ ਹੱਥਾਂ ਨਾਲ ਚੋਗ ਪਾ ਰਹੇ ਸਨ। ਕਦੇ ਕੋਈ ਹੋਰ ਮਰਦ ਜਾਂ ਬਾਪ ਆਪਦੇ ਬੱਚਿਆਂ, ਬੱਚੀਆਂ ਔਰਤਾਂ, ਪਬਲਿਕ ਮੂਹਰੇ, ਐਡੀ ਬੇਸ਼ਰਮੀ ਨਾਲ ਨੰਗ-ਧੱੜਗਾ ਨਹੀਂ ਘੁੰਮ ਸਕਦਾ।

ਨੰਗੇ ਮੱਸਟੰਡਿਆਂ ਸਾਧਾਂ ਮੂਹਰੇ ਲੋਕ ਤਿੱਤਲੀਆਂ ਵਾਂਗ ਡੰਗ ਮਗਾ ਰਹੇ ਸਨ। ਪਬਲਿਕ ਵਿੱਚ ਨੰਗੇ ਮਰਦਾਂ ਪੂਜਾ ਹੋ ਰਹੀ ਹੈ। ਨੰਗੇ ਮਰਦ, ਇਸ ਤਰਾਂ ਡਰਾਮਾਂ ਕਰ ਰਹੇ ਸਨ। ਜਿਵੇਂ ਉਨਾਂ ਵੱਲ ਲੋਕਾਂ ਦੇ ਦੇਖ਼ਣ ਦਾ ਕੋਈ ਅਸਰ ਹੀ ਨਾਂ ਹੁੰਦਾ ਹੋਵੇ। ਜੋ ਲੋਕ ਆਮ ਸਿਧੀ-ਸਾਧੀ ਜਿੰਦਗੀ ਗੁਜ਼ਾਰ ਰਹੇ ਹਨ। ਉਨਾਂ ਔਰਤਾਂ-ਮਰਦਾਂ ਨੂੰ ਤਾਂ ਜੁਵਾਨ ਮਰਦ ਦੇਖ਼ ਕੇ, ਚੱਕਰ ਆਉਂਦੇ ਹੋਣੇ ਹਨ। ਕਈ ਸ਼ਰਧਾਲੂ ਤਾਂ ਨੰਗੇ ਮਰਦਾਂ ਦੇ ਪਿੰਡੇ ਉਤੇ ਸੁਆਹ ਮਲ ਰਹੇ ਸਨ। ਕਈ ਸਾਧਾਂ ਨੂੰ ਪਾਣੀ ਪਾ ਕੇ ਨਮਾਂ ਰਹੇ ਸਨ। ਐਸੇ ਬੇਸ਼ਰਮ ਮਚਲੇ ਮਰਦਾਂ ਵੱਲੋਂ ਸਬ ਲਈ ਹਰੀ ਝੰਡੀ ਸੀ। ਹੁਣ ਜੇ ਸਹਮਣੇ ਵਾਲਾ ਆਪੇ ਨੰਗਾ ਹੋ ਜਾਵੇ। ਜੇ ਦੂਜਾ ਵੀ ਵੈਸੀ ਹੀ ਅੱਗ ਵਿੱਚ ਮੱਚਦਾ ਹੋਵੇ। ਉਹ ਆਪੇ ਕੱਪੜੇ ਉਤਾਰ ਦਿੰਦਾ ਹੈ। ਜੇ ਧਰਤੀ ਉਤੇ ਐਸੇ ਹੀ ਬਗੈਰ ਕੱਪੜਿਆਂ ਤੋਂ ਲੋਕ ਰਹਿੱਣ ਲੱਗਣ। ਇੰਨੀ ਜੰਨ ਸੰਖਿਆ ਹੋ ਜਾਵੇਗੀ। ਧਰਤੀ ਤੋਂ ਲੋਕਾਂ ਦਾ ਭਾਰ ਝੱਲ ਨਹੀਂ ਹੋਣਾਂ। ਜੋ ਲੋਕ ਦਿਨ ਦਿਹਾੜੇ ਬਗੈਰ ਕੱਪੜਿਆਂ ਤੋਂ ਪਬਲਿਕ ਵਿੱਚ ਨਿਸੰਗ ਬਿਚਰ ਰਹੇ ਹਨ। ਉਹ ਰਾਤ ਨੂੰ ਕੀ-ਕੀ ਕਰ ਸਕਦੇ ਹਨ? ਐਸੇ ਧੰਨਾਂਢ, ਲੂਚੇ ਮਰਦਾਂ ਲਈ ਕੋਈ ਕਨੂੰਨ ਨਹੀਂ ਹੈ। ਜਦੋਂ ਇੰਨਾਂ ਲੋਕਾਂ ਨੂੰ ਆਮ ਲੋਕਾਂ ਵਾਂਗ ਭੁੱਖ ਲੱਗਦੀ ਹੈ। ਪੇਟ ਸਾਫ਼ ਕਰਨ ਖਾਲੀ ਕਰਦੇ ਹਨ। ਪਿੰਡਾ ਧੋਦੇ ਹਨ। ਪਬਲਿਕ ਵਿੱਚ ਅੰਗਾ ਦੀ ਪ੍ਰਦਰਸ਼ਨੀ ਕਰਕੇ, ਕਿਵੇਂ ਚੈਨ ਨਾਲ ਸ਼ਾਂਤ ਰਹਿੰਦੇ ਹਨ?