ਬਹਾਦਰ ਹਿੱਕ ਤੱਣ ਕੇ ਲੜਾਈ ਜਿੱਤ ਜਾਂਦੇ ਨੇ

 

ਸਤਵਿੰਦਰ ਕੌਰ ਸੱਤੀ (ਕੈਲਗਰੀ) –ਕਨੇਡਾ
satwinder_7@hotmail.com
ਜੋ ਗੱਲ਼ ਤੇ ਖਾ ਕੇ ਥੱਪੜ ਚੁਪ ਕਰ ਜਾਂਦੇ ਨੇ।
ਅਸੀਂ ਉਨਾਂ ਵਿਚੋਂ ਵੀ ਨਹੀਂ।
ਜੋ ਗੱਲ਼ ਤੇ ਖਾ ਕੇ ਥੱਪੜ ਦੂਜੀ ਮੂਹਰੇ ਕਰ ਦਿੰਦੇ ਨੇ।
ਅਸੀਂ ਉਨਾਂ ਵਿਚੋਂ ਵੀ ਨਹੀਂ।
ਜੋ ਥੱਕ-ਟੁੱਟ ਕੇ ਢੇਰੀ ਢਾਹ ਕੇ ਬੈਠ ਜਾਂਦੇ ਨੇ।
ਅਸੀਂ ਉਨਾਂ ਵਿਚੋਂ ਵੀ ਨਹੀਂ।
ਜੋ ਸਹਿ ਕੇ ਤਸ਼ਦੱਦ ਟਿੱਕ ਕੇ ਬੈਠ ਜਾਂਦੇ ਨੇ।
ਜੋ ਥੱਕ ਹਾਰ ਕੇ ਹਿੰਮਤ ਛੱਡ ਬੈਠ ਜਾਂਦੇ ਨੇ।
ਅਸੀਂ ਉਨਾਂ ਵਿਚੋਂ ਵੀ ਨਹੀਂ।
ਜੋ ਮਾਰ ਦਗਾੜ ਸ਼ਿਕਾਰ ਨੂੰ ਫੜ ਲੈਂਦੇ ਨੇ।
ਅਸੀਂ ਉਨਾਂ ਸ਼ੇਰਾਂ ਵਿਚੋਂ ਹਾਂ।
ਜੋ ਖਿਲਾਰ ਕੇ ਫੱਨ ਦੁਸ਼ਮੱਣ ਅੱਗੇ ਖੜ੍ਹ ਜਾਂਦੇ ਨੇ।
ਅਸੀਂ ਉਨਾਂ ਸੱਪਾਂ ਵਿਚੋਂ ਹਾਂ।
ਜੋ ਯੋਧੇ ਸੂਰਮੇ ਇਕੱਲੇ ਲੱਖਾਂ ਨਾਲ ਲੜ ਜਾਂਦੇ ਨੇ।
ਸਤਵਿੰਦਰ ਉਨਾਂ ਜੇਤੂਆਂ ਵਿਚੋਂ ਹੈ।
ਜੋ ਬਹਾਦਰ ਹਿੱਕ ਤੱਣ ਕੇ ਲੜਾਈ ਜਿੱਤ ਜਾਂਦੇ ਨੇ।
ਸੱਤੀ ਉਨਾਂ ਦਲੇਰਾਂ ਵਿਚੋਂ ਹੈ।
ਜੋ ਹਰ ਵੱਡੇ ਛੋਟੇ ਅੱਗੇ ਨੀਵੇਂ ਹੋ ਕੇ ਝੁੱਕ ਜਾਂਦੇ ਨੇ।
ਅਸੀਂ ਉਨਾਂ ਨਿਮਾਣਿਆਂ ਵਿਚੋਂ ਹੈ।
ਜੋ ਸਬ ਪਿਆਰਿਆਂ ਦਾ ਪਿਆਰ ਲੁੱਟੀ ਜਾਂਦੇ ਨੇ।
ਅਸੀਂ ਉਨਾਂ ਲਾਡਲਿਆਂ ਵਿਚੋਂ ਹੈ।