ਦੀਵਾਲਾ ਫੁੱਲਝੜੀਆਂ, ਪੱਟਕਿਆਂ ਨੇ ਕੱਢਤਾ-ਸਤਵਿੰਦਰ ਕੌਰ ਸੱਤੀ (ਕੈਲਗਰੀ)-ਕਨੇਡਾ
ਅੱਜ ਦੀਵਾਲੀ ਦਾ ਉਹ ਚਾਹ ਜਿਹਾ ਨਹੀਂ ਲੱਗਦਾ।
ਮਿਠਆਈਆਂ ਵਿਚੋਂ ਦੁੱਧ ਖੋਆ ਖੋਂ ਗਿਆ ਲੱਗਦਾ।
ਇਹ ਆਟੇ, ਮੈਦੇ, ਬੇਸਣ ਖੰਡ ਦਾ ਗਦਾਵਾ ਲੱਗਦਾ।
ਰੰਗ ਬਰੰਗੀਆਂ ਮਿਠਆਈਆਂ ਨੇ ਬਿਮਾਰ ਕਰਤਾ।
ਘਰ ਵਿਚ ਦੇਸੀ ਘਿਉ ਦਾ ਇਕ ਦੀਵਾ ਨਾਂ ਜਗਦਾ।
ਦੀਵਾਲੀ ਨੂੰ ਬਨਾਵਟੀ ਲੜੀਆਂ ਨਾਲ ਘਰ ਜੜਤਾ।
ਪੈਂਦਾਂ ਰੰਗ ਬਰੰਗੇ ਲਾਟੂਆਂ ਦਾ ਬਿਜਲੀ ਦਾ ਖ਼ਰਚਾ।
ਸੱਤੀ ਦੀਵਾਲਾ ਫੁੱਲਝੜੀਆਂ, ਪੱਟਕਿਆਂ ਨੇ ਕੱਢਤਾ।
ਕਈਆਂ ਦੇ ਘਰ ਜੀਵਨ ਨੂੰ ਮੱਸਿਆ ਦੀ ਰਾਤ ਕਰਤਾ।
ਦੀਵਾਲੀ ਨੂੰ ਬੰਬ, ਆਤਸ਼ਬਾਜੀਆਂ ਮੂੰਹ ਸਿਰ ਫੂਕਤਾ।
ਦੀਵਾਲੀ ਨੂੰ ਤਾਂ ਪੱਟਾਕਿਆਂ ਨੇ ਘਰ, ਸਮਾਨ ਵੀ ਫੂਕਤਾ।
ਸਤਵਿੰਦਰ ਦੀਵਾਲੀ ਨੇ ਕਿਹੜੀ ਖੁੱਸ਼ੀ ਦਾ ਦਰ ਖੋਲਤਾ।
ਦੱਸੋਂ ਫੂਕ ਕੇ ਮਾਇਆ ਬੰਦਾ ਕਿਹੜਾ ਸੁੱਖ ਲੋਕੋਂ ਭਾਲਦਾ।
ਆਪਣੇ ਸਕੇ ਪਿਉ ਦਾ ਦੋ ਰੋਟੀਆਂ ਦੇ ਢਿੱਡ ਨਹੀਂ ਭਰਦਾ।
ਲੋਕਾਂ ਦੀਆਂ ਖੁੱਸ਼ੀਆਂ ਵਿਚ ਬੰਦਾ ਹਾਜ਼ਰੀ ਜਰੂਰ ਭਰਦਾ।
ਦੀਵਾਲੀ ਨੂੰ ਆਪਣਿਆਂ ਛੱਡ ਸਭ ਦਾ ਮੂੰਹ ਮਿੱਠਾ ਕਰਦਾ।
Comments
Post a Comment